（樂）馬德里體育會前鋒迪亞高哥斯達（圖），喺禮拜二對奧沙辛拿場西甲走光露股，俾人睇晒個八月十五，唔知係咪咁，令佢俾西班牙國家隊教練迪保斯基睇中？雖然迪亞高哥斯達係巴西人，但據報迪保斯基想佢歸化，代表狂牛出戰明夏喺巴西舉行嘅世盃決賽周；聽聞哥斯達對迪帥呢個計劃好有興趣，仲唔介意做叛國賊㖭。哥斯達喺今季西甲入咗7球，相信係迪帥睇中佢嘅真正原因，但佢喺場內好多蠱惑嘢，所以西班牙傳媒對佢嘅風評唔係太好。若然迪帥將佢擺喺韋拿、尼格度、蘇爾達杜及費蘭度托利斯之前，隨時惹嚟閒話。
下星期，死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24