泛民飯盒會召集人最近換咗莊，就係立法會一人黨民協馮檢基。為咗隆重其事，阿基噚日特別為此舉行傳媒茶敍，話上任後希望團結泛民27票堅守底線，齊心爭取真普選。佢形容今次做召集人係「偶然」同「必然」：「偶然」係今次輪到泛民散人做召集人，咁啱五件泛民散人都推舉佢；「必然」則係佢以逾20萬票當選議員，做泛民飯盒會召集人都算理所當然。佔中同政改諮詢將至，呢個時期做召集人，阿基話好有挑戰，但嚟緊先要協調泛民喺立法會委員會嘅正副主席選舉。八方聽聞，除咗白鴿黨主席卿姐會再爭財會主席，公民黨郭榮鏗同莫乃光分別有意競逐司法同資訊科技委員會主席。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange