呂方麻甩街頭𥄫女

呂方麻甩街頭𥄫女

【中環→跑馬地】呂方前日晏晝3點幾現身中環露天茶座,佢約咗男性友人飲嘢傾偈。50歲嘅呂方冇見一排發福咗唔少,兩個麻甩佬似乎好無聊,全程玩手機多過吹水,其間呂方仲表現得好唔專心,雙眼不停四圍𥄫,見到有靚女行過就眼望望,唔怪得佢要坐露天位置啦!之後呂方揸車去咗跑馬地嘅便利店,買咗幾罐啤酒同零食返屋企,生活都好dry吓。
採訪、攝影:黃曉程、徐錦池

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!