「萬人迷」碧咸唔只吸引女士，仲有一大班男性粉絲，恒隆地產（101）大公關關則輝（CF）就係其中一員。里昂噚日繼續喺灣仔君悅舉行投資論壇，其中邀請到恒隆主席陳啟宗以細圍形式會見基金投資者，CF全日陪陳啟宗開咗7、8個會，直至下午6點開晒會，佢即刻走去見碧咸一面。
里昂安排碧咸喺下午5點至6點半喺君悅宴會廳講talk，CF只能夠聽到最後十幾分鐘，因事又要提早離場。佢話全場爆滿，在場人士踴躍發問，多數問碧咸點睇球員生涯，碧咸就話好滿意自己嘅足球事業，喺好多個地方踢過波，可以話係不枉此生。
現場唔准人喺宴會廳場內拍照，好在里昂喺宴會廳外擺放多部電視機做直播，CF呢張相其實只係影電視機。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24