嚟緊10月1日放假，不妨去太古坊林肯大廈有蓋行人天橋行吓。唔係因為嗰度少強國人，因此八方推介，而係嗰度舉行名為「鐵幕背後的藝術」展覽，展出36幅香港首次公開嘅北韓手繪宣傳海報，充滿政治洗腦意味，但金氏王朝肖像「禁」出國，所以大家唔會從中睇到金正日、金正恩嘅嘜頭。
呢次展出嘅海報分五大主題，涵蓋政治、民生同軍事等，全部都係收藏家Eric Wong心頭好。做導演嘅Eric話，四、五年前有朋友畀佢睇過幾張北韓宣傳海報，自此上咗癮，其後深入北韓三次，主力搜集呢類海報，至今有近200張藏品。
畫師緊跟國家指引繪製
點解對極權國家官方宣傳品會一見鍾情？Eric話，因為幅幅都係北韓畫師親手畫成，全部獨一無二。據佢講，北韓政府有成千個畫家喺「藝術及創意基地」繪畫海報，畫師要完全跟國家指引去畫，確保每幅宣傳海報政治正確。用色都有意思，灰色代表醜惡、藍色代表和平，構圖要簡潔易明。
Eric冇透露喺北韓國家畫廊出價幾多先買到海報，但佢話有啲外國收藏家喺英國嘅Gallery賣呢類海報，每幅標價約400至500英鎊。佢同八方講，如果海報上有金氏王朝領導人肖像，則只可以遠觀，幾多錢都買唔到。獲萬名網民聯署「送」去北韓嘅成龍，應該去睇展覽，做定移民準備都好呀。
鼓勵民間傳統遊戲，我們是優雅的民族！
推廣盪鞦韆傳統民間遊戲，宣傳高麗文化最純淨。
好戰者們所走的路！
背着飛彈的軍人為北韓畫家筆下的美國士兵。地上三組足迹代表納粹黨和日本已步入墳墓，美國正步他們的後塵。
以建設光復大街那種氣魄大膽建設吧！
工人在北韓人引以為傲的重心建設，展示北韓政府努力為人民建設烏托邦的決心。
阿里郎── 歡迎來到平壤！
宣傳著名北韓民族表演「阿里郎」，演出展示北韓傳統文化及民族優秀純潔的一面。
mailto:[email protected]
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange