異動空間:匹克迎超級升浪 - 魏力

異動空間:匹克迎超級升浪 - 魏力

土炮服裝股爆升,本欄推介包浩斯(483)漲16%,創年半新高,短線整固後可再上,未上車戰友可吼2蚊附近加入。

體育用品股亦蠢蠢欲動,值得關注。質地最佳的安踏(2020)已炒到頗高水平,非首選;李寧(2331)估計今年仍要蝕,唔理佢住;其餘邊隻最好?魏力首推匹克(1968)。五大因素(估值平、增長強、現金多、庫存降、定單增)拱照下,配合蓄勢開車的走勢,隨時掀起超級升浪,短線睇2.50元;中線目標係一倍!
近年,體育用品業畀存貨問題打殘,但匹克都未試過蝕錢,夠晒硬淨。上半年匹克賺8,990萬人仔,按年倒退六成,見底了。彭博預測顯示,匹克今年每股盈利11分,即係賺2.3億人仔,意味着下半年純利將飆升59%!現價預測PE僅12.6倍,抵到爛。
再睇PB,匹克僅0.69倍,較特步(1368)、李寧及安踏折讓五至七成,夠炒啦!
另外,手頭現金逾22億人仔,佔市值74%,現金牛一隻;預測股息率5.7厘,加埋潛在特別息,應該唔止。匹克上半年cut咗289間分店,總佔數4.5%,轉為大搞網購,成本可慳一筆。
截至6月底,庫存較去年底減12%,2014首季定貨會有增長,前景光明。戰友可待股價突破1.8元追入。

魏力
http://www.facebook.com/2012jason

《亂噏24》現正逢一至五每日更新,今周嘉賓陳淑莊帶肥佬黎同蔡瀾背包旅行遊中歐,即刻收睇: http://bit.ly/appletalk24