（哀）多蒙特自上周中喺歐聯輸俾拿玻里後，好似洩咗度氣，之後場德甲又只係作客打和紐倫堡；而喺禮拜二場德盃，佢哋作客安聯對住乙組仔1860慕尼黑，雖然有前球員馬里奧葛斯入場打氣，不過要去到加時嘅104分鐘靠對手杜米歷史達爾領紅，先至由奧巴美揚同米希達利恩喺105及107分鐘各入一粒，最終至贏2:0。另外，呢場波打正選嘅羅拔利雲度夫斯基親口證實，會喺明年1月同拜仁簽加盟協議書，明年７月免費過檔，同葛斯再做隊友。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24