嚟緊星期日係一年一度維港渡海泳，有參賽嘅政界方中信、自由黨鍾國斌（Felix）呢排勤力練水，但喺泳池游同出海游始終有分別，所以呢排田少坐遊艇出海，佢都跟住去；人哋喺甲板曬太陽，佢就跳落水猛游，目標係完成比賽，唔好中途俾人撈返上岸咁辳喎。
Felix係紡織及製衣界立法會議員，玩樂不忘工作。佢早前話想將深水埗打造成南韓東大門，原來佢已經聯絡咗部份有興趣嘅非牟利機構，喺當區領匯商場租個萬呎舖位，呎價20蚊左右，預計年底「交吉」，到時就邀請近百名本地設計師加盟分租賣自家品牌，𠵱家仲聯繫緊旅發局同貿發局幫手做宣傳㖭呀。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24