（喜）FC廣州（廣州恒大）周三喺亞冠盃4強首回合作客柏雷素爾，可以話贏得有驚無險，佢哋喺開賽10分鐘先失一球，俾對方嘅基奧罰球攻破大門，落後一球入更衣室，點知下半場先嚟料，仲要係大屠殺，穆里奇梅開二度，達里奧干卡同艾傑臣就分別入一球，結果大勝4:1，決賽入場券十拿九穩。我求大俠由獎金方面就知道點解恒大咁搏，佢哋班主出手闊綽，淨係由分組賽打到4強，全體球員加埋已袋咗1.04億人仔，𠵱家打埋呢場，又多咗1,200萬人仔，總獎金去到1.16億；相反柏雷素爾就算贏到冠軍，成隊先只得2億日圓（約1,600萬港元），唔怪得冇恒大咁搏啦。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24