【做得開心】
於去年宣佈「分身家」的嘉華國際（173）主席呂志和，他的5名子女已分別接掌嘉華系的不同業務，惟呂志和現時覺得「自己身體各方面應付得到」，仍未打算退休，更直言：「做嘢開心，我唔會話嫌辛苦！」
年屆84歲的呂志和去年中已將旗下企業王國的業務逐一分配予五名子女。長子呂耀東負責澳門的賭業、中港地產交由三子呂耀華，次子呂耀南則掌美國業務。至於兩名女兒，呂慧瑜及呂慧玲則分管酒店及行政工作。
「子女唔得就鬧鬼佢」
對於子女接掌家族生意已超過一年，作為父親的呂志和未有就子女的表現作出評價，只笑言「你話得就得，你話唔得我就鬧鬼佢」，認為市場自會有公論。
雖第二代剛開始接班，呂志和亦不忘培養第三代接班人。呂志和指出第三代若要加入家族生意，一定要由低做起：「唔會畀高位佢……空降落嚟就畀人妒忌，一認為係王親國戚就唔掂！」他又認為生意應該「傳承」而非「繼承」，將管治理念傳予下一代，然後再由他們突破創新。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange