甄子丹噚日着住套懷舊三件頭西裝，去咗尖沙嘴出席古董巴士展，子丹望住架巴士有啲感觸，原來佢細個成日同屋企人坐巴士周圍去。問到佢有冇同阿仔坐巴士？佢話：「喺香港唔係幾方便，反而去到外國咪會帶佢去坐，當係親子樂。我仲諗可唔可以用巴士設計動作！」遲啲子丹會成立製作公司，問係咪拍動作片？佢笑笑口話：「唔拍打邊個畀錢我拍？要迎合市場，今次背景係九龍城寨，再配合啲特技，預計明年開。」
撰文：馮仁昭
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24