香港西武完成23年歷史任務，旺角朗豪坊店早前拉閘，曾係潮人聖地嘅日式百貨，同香港say goodbye。現址翻新後，月底變身純賣美容化妝品，英文名係Beauty Avenue，中文名係乜嘢呢？嘩！係將英文音譯為「碧蒂雅芳」，而唔係用英文原意譯做「美容大道」。
朗豪坊外牆原來已經有呢個中文譯名，有網民話，呢個中文譯名相當「大陸化」，質疑朗豪坊擺明要吸人民幣。其中Leung Melvin就話個大陸名「聽到都毛管棟（戙）」；Allen Sing直情大鬧：「沒水平，反智！唔識英文，唔好硬要翻（繙）譯成這樣！好噁（惡）心。」對於網民批評，朗豪坊商場話Beauty Avenue係租戶名稱，譯名同商場無關。
由康樂街、雀仔街到朗豪坊，家陣叫做碧蒂雅芳，難怪好多香港人話已經唔認識「新香港」。新鴻基旗下嘅旺角新世紀廣場，有傳都會改名，有租戶爆料話新名叫做「Moko」，好多網民話似日本名，質疑太「哈日」，其實旺角舊時叫芒角，呢個MK新名，可能係懷舊呢！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange