【人物專訪】
語言「偽術」令人討厭，但適當的語言藝術則令人與人之間的相處有催化作用，作為強積金業務主管，吳智珊花了不少心血在管教子女上，訪問中言談間透露其在工作上的管理心法，彷彿管教子女就如管理團隊。
記者：董曉沂
育有一子一女、現任宏利公積金信託首席行政總監吳智珊認為，年輕人在13至17歲時最反叛，故在溝通上要下功夫，「唔好畀佢覺得你幫佢plan，要把握、要詐諦，佢哋好鍾意叫佢行東就去西，明知想佢行東，就話佢知行西好似好啲，佢自然會覺得行東好似好啲」，可見吳智珊曾經與其仔女在言語上鬥智鬥力，或者與其共事的同事亦屢見不鮮。
與員工組「兄弟班」
教好一對仔女，花心機花時間是必然，但不擔保他們受教，作為父母的最怕子女會行差踏錯，「做父母一定會勞氣，但一定要同自己講，自己係最聰明嘅，可以（幫仔女）解決到個問題」，但又要怕子女非坦誠相告，甚至講大話，「父母見到仔女講大話梗唔開心，唔想小朋友講大話，要了解佢哋點解要講大話，好多時係因為佢哋驚」。
視problem為issue
員工失職抑或子女犯錯，不時會想到以大話解圍，吳智珊對此有一套看法，「同仔女講，講大話係好凄涼，喺媽咪面前唔使講大話，因為我唔會鬧佢，要佢哋放心，相信父母係最包容，仔女就唔會覺得驚」。套用於管理業務及員工，如果管理層能與員工成為「兄弟班」，不少事情都會事半功倍。
所謂兄弟班，就是要撇除階級上的鴻溝，吳智珊引述其工作事例指，同事遇到困難時，她會安慰大家「今日好好彩啦，公司請我哋就係因為我哋有經驗解決問題，唔好叫problem（問題），叫issue（值得關注的情況）好啦，有issue就解決佢，唔好嘥晒啲資源去諗啲負面嘢」。抱着一個正面的態度處事，加上主管替員工打氣，總比卸責正面得多。
不少打工仔很怕上司的「苛索」。不想子女、以至同事以及下屬覺得難受，吳智珊直言「如果你太單刀直入，只會換嚟關你咩事呀，只會頂心頂肺」。
作為管理龐大團隊的宏利管理層，始終要跑數，總不能永遠扮演「好好先生」，就如管教子女不能完全放任，吳智珊以其母親口脗表示，「例如母親節、生日，梗係想啲仔女一早買紮花畀我」，但「你想」不能當作理想，「所以要用唔同方法提醒佢，到時佢自然會記得」，有如不斷鞭策團隊的管理層，要提早避卻失望的風險。
搵到大客 市佔率增
【MPF二哥】
宏利公積金信託首席行政總監吳智珊於2010年底加盟宏利，並出任強積金舵手，協助宏利一直穩坐MPF市場的二哥之餘，市場佔有率亦逐年攀升。翻查資料，由吳智珊加盟後，宏利市佔率至今年6月底止，上升0.6個百分點至17.6%，以全港270萬打工仔粗略計算，即淨流入約1.8萬個客戶。談到其成功之處，吳智珊未敢邀功，她直言宏利以往在中小企業的客戶網絡上非常強勁，她加入後引入不少管理大客戶的經驗，兩者相輔相成。她亦透露，「近兩年拎到幾個sizeable（相當大的）嘅客戶」。
日後要繼續增加市佔率，壓力會否令同事吃不消？吳智珊直言，其實團隊的心態與她加盟初期已改變不少，「知自己同事有服務大企業嘅潛力，有啲同事（至今）未傾到大客，佢哋自己都話唔使驚，下年可以再傾，最緊要唔好再錯同一樣嘢」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange