「牡丹」出道以嚟有好多緋聞，目的係為主演嘅劇集宣傳。不過自從佢離開三色台返內地掘金後，都經常用番呢招博宣傳，幾乎個個男主角都同佢傳過緋聞。就講近排佢同「太子爺」拍嗰部內地劇喺三色台播，牡丹就搵人四圍放料畀傳媒，話佢同太子爺開工時眉來眼去，套劇出街後，牡丹見外界冇乜反應，於是又利用緋聞煲煲佢，四圍放料話太子爺個正印「DD」知道太子爺同牡丹有曖昧關係，講說話經常單打牡丹之類，但明眼人一睇就知幕後黑手係邊個囉。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！