近年環保界興起由頭到尾吃全豬，連不起眼的豬雜、豬頭亦變成美味佳餚。Linguini Fini意大利籍大廚Vinny在美國紐約長大，也是支持吃全豬的佼佼者，「我父母係西西里人，以前喺鄉村生活，最鍾意就係食豬肉，佢哋會將豬由頭到尾吃到乾乾淨淨，呢啲咪係農村人儉樸嘅本色。」店內由豬頭至豬腳，甚至內臟都有得吃，所用的豬肉全出自華記農場。「三年前嚟港，發現香港好少本地有機新鮮豬肉，經朋友介紹下認識Charles，曾到農場實地考察，發現他們養豬嘅方法講求健康，全天然無添加無荷爾蒙。」這店賣的是家庭式手工意菜，意粉、香腸、火腿等都是自家製，香腸是將豬臀肉及豬尾打爛灌入豬腸衣中，肉味超濃，而最厲害的是店內設冷凍房製造風乾火腿，要醃製達一年時間，足見誠意可嘉。最特別是看似平平無奇的肉醬，翻看餐牌，菜名是「Nose to Tail Bolo」，原來肉醬是以由頭到尾的豬肉部位製造，其中豬頭要以鹽水浸洗，醃味六日，然後慢煮八小時，把面珠肉煮軟熟了，再加入其他部位，手撕成細件煮意粉，肉味夠甜，並非一味死腍，帶有爽脆感。
a.Linguini Fini（2857 1333）
地址：中環皇后大道中139號The L Place 1樓
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇：
http://bit.ly/appletalk24