【本報訊】內地傳媒指本港「限奶令」或在黃金周後撤銷，食物及衞生局局長高永文昨稱會在黃金周前後做壓力測試，會否撤銷視乎測試結果，現言之尚早；港九藥房商會理事長劉愛國透露，壓力測試期間，供應商要保證本地母親每月至少可購得六罐奶粉。
確保港父母購足夠奶粉
高永文強調不會在短期內落實撤銷限奶令，「唔一定係10月1號，但係話畀供應商聽，黃金周或者前後會做（壓力測試），要證明所有措施有效，確保所有香港父母可以幫嬰幼兒買到足夠嘅奶粉，咁我哋先會撤銷限奶令」。
港府研究撤銷限奶令，深圳和北區居民意見不一。深圳媽媽郭女士每月來港買一至兩罐奶粉，她指現時供應充足，贊成撤銷，「成日兩地跑，過關又麻煩，撤銷咗一次可買幾罐，就唔使成日嚟」。
中港家庭內地爸爸祁先生去年嚐撲奶粉之苦，曾整月買不到奶粉，現到藥房買仍困難，他昨走了10多間才買到一罐三號仔奶粉，售價比上月貴10多元。他認為若撤銷限奶令，水客會重現，「火車站會塞住晒」，贊成維持現狀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange