華華一向對電訊商嘅新聞都幾留意，不過上半年有關電訊商嘅消息，都係有關於反對政府收回頻譜嘅事，真係悶到嘔。好在近排三星、iPhone終於有新嘅人氣手機推出，電訊商可以乘機做宣傳，佢哋仲要好似夾埋咁，撞晒期咁搞。
香港電訊（6823）同1010今日就撞到正，下晝同一時間喺兩個地方搞記者會，為增叫座力，分別搵來「城中筍盤」郭富城同近期人氣爆燈嘅「Cool魔」張智霖撐場。雖然兩位型男各位其主，但應該唔會真係對撼，事關兩人本身係老友，仲要夾份養馬仔「愛將」。
除咗香港電訊同1010，誠哥旗下3香港亦會加入宣傳戰，明天搵LINE一齊做推廣，唔知數碼通（315）話事人黎大鈞係咪度緊金句準備現身呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange