隔牆有耳:出名失魂 仁哥電話遺大馬 - 李八方

隔牆有耳:
出名失魂 仁哥電話遺大馬 - 李八方

天兔襲港引致香港航班大混亂,上周去大馬開會嘅民主黨立法會議員何俊仁,原本都驚天兔會搞到佢星期一返唔到香港,但好彩呢隻天兔,嚟得快又走得快,仁哥先可以按原定計劃回港,之但係佢避得過天兔,卻避唔上「無妄之災」。佢同八方講,返到香港先發現,自己部手提電話原來漏低咗喺大馬,搞到返香港之後,人人搵唔到佢!
八方聽完覺得幾好笑,事關仁哥唔見電話,早已被黨友視為「正常情況」,假如喺辦公室見到冇人認領嘅電話,大家第一時間會話:「梗係仁哥開會漏低!」但對電訊商嚟講,仁哥肯定係「好客仔」,至少佢一定會頻頻買新電話囉。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange