劉青雲、古天樂、李心潔及張兆輝等，前晚到尖沙嘴出席新戲《逃出生天3D》首映，張兆輝因割眼瘡眼包着紗布。李心潔穿紅色鬆身裙，莫非有喜？她否認，提到同期出道的吳佩慈未婚懷孕，李心潔謂：「唔知喎，恭喜晒，自己就順其自然，想有BB。」李心潔透露會跑步及練氣功等調理身體。
今次已是古仔和青雲第12次合作，有傳古仔今次有份投資《逃》片，他否認：「冇咁嘅事，亦冇人搵，享受做演員，投資風險大，除非十拿九穩。」青雲亦表示沒有投資拍電影：「咁都制？我冇乜興趣，只係想演戲。」另外一眾演員昨日已到北京出席記者會，古仔和青雲更穿上消防員制服現身，甚有氣勢。
採訪：張俊銘
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇：
http://bit.ly/appletalk24