無綫花旦徐子珊噚日出席旺角先施開幕禮，子珊雖然冇波濤洶湧，不過佢奇制勝，露出胸前小痣，以點數吸睛。胸懷大痣嘅徐子珊話：「服裝係大會要求，粒痣係媽咪生畀我，冇越嚟越大粒就OK喇！」
大騷事業線
以為搶晒鏡，點知突然殺出個先施代言人劉馥怡（Eva），子珊以超低胸交叉大露背戰衣抗戰下，仍不敵Eve火辣紅色貼身tube dress大騷4吋事業線，即時比下去。
Eva一出場就俾八名赤膊同着三點式上身嘅男女舞蹈員圍住，大跳辣身舞，男舞蹈員一邊幫Eva除衫，Eva一邊就擺出誘人姿勢，豐滿嘅身材，誘惑嘅舞姿，睇到兩位當代性感女神目瞪口呆，來自上海任模特兒嘅Eva被問到火辣三圍數字，佢大方公開34D，23腰，34下圍嘅驕人身材，佢仲用廣東話回答話：「我喺上海面試俾公司揀中，簽咗做模特兒公司一年，喺香港上海兩邊走。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！