幫港出聲發起人周融（圖）噚日去樹仁大學演講，話題當然又係反佔中。網上媒體《輔仁媒體》現場直擊，周融話如果全港警察集中喺中環，其他地區嘅治安就無法維持，到時可能出現解放軍駐守街頭場面。有學生忍唔住問佢係咪過慮，周融就以男女朋友關係做比喻反駁：「如果有人同你講，你女朋友同第二個男仔傾得好親密，WhatsApp開個two persons chat group，你都唔憂慮，我為你感到悲哀！」
呢番謬論即時引來網民恥笑。有網民笑周融暗示自己小器同冇安全感，只要老婆同任何男人單獨溝通都會驚婚變，「如果佢老婆同女人WhatsApp，佢會唔會懷疑老婆中途轉變性傾向，愛第二個女人㗎？」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange