令大家好緊張嘅「天兔」襲港，不過就真係feel唔到呢個幾十年難得一見的「怪風」有幾勁。可能多得香港係福地，李氏力場又仲未撤走。
「天兔」來得快，走得亦快，港股唔使全日休市，半日成交仲唔少，都有成440億元。當中，匯控（005）、本地地產股係跌市元凶，睇嚟港股係短期內，想要再承勢大升都唔係咁易。
瑞信調升目標價逾兩成
不過，乳業股就因為內地出現史上最嚴重「奶荒」，而升到破晒頂。本欄在8月中時，曾推介現代牧業（1117），建議2.45元入市，博反彈至3元。該股噚日已飆逾9%收2.98元，並成功見3元創上市新高。
同時，瑞信又調升現代牧業目標價逾兩成至3.4元，繼續跑贏大市。指其第四季出售給最大單一股東蒙牛（2319）的原料奶已加價11%，但仍低於同業。不過，由於蒙牛決定設立標準定價機制，確保所有供應商的售價都是公平及可比較，所以估計對現代牧業的盈利有正面幫助。
另外，經過長達八年快速擴張，現代牧業現已有足夠乳牛，今年已不需要再入口小乳牛，相信2014年自由現金流可錄正數，遠勝大部份新晉農場負現金流的經營情況。
內地乳企重整，蒙牛仲有望獲得阿爺補貼，現代牧業獲注資憧憬機會增加。技術走勢上，大成交配合破頂，升勢更一浪高於一浪，反映勢頭依然強勁，的確值博。
瑪姬兒
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange