（怒）周日意甲大戰，AC米蘭27年嚟第一次喺主場輸俾拿玻里，客軍有前鋒希古恩連續4場比賽入波以2:1全取3分。AC傷兵滿營，食粥食飯都係睇巴洛迪利，而巴神喺今仗亦搶盡風頭乜都做齊，先錯失入12碼機會俾連拿救到，自己一直保持住職業生涯12碼全部射入嘅走勢，終於喺21球斷纜；巴神喺完場前入世界波追成1:2，但為時已晚，完咗場後仲走去不停煩球證，結果拎第2面黃牌，無端端喺下場波要停賽。拿玻里喺賓尼迪斯領軍下就認真犀利，今季到𠵱家4場意甲1場歐聯全部贏波贏盤。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24