（喜）巴拿比奴球迷等完又等，諗住全球最貴球員加里夫巴利，可以周日代表皇家馬德里，主場鬥基達菲，點知巴利熱身期間拉傷左大腿肌肉，臨場「no show」；好彩冇巴利皇馬都夠殺，憑基斯坦奴朗拿度（C朗）梅開二度，以4:1反勝對手，主場3連勝；C朗更累積208個入球，超越名宿曉高山齊士，成為隊史第5位射手㖭。皇馬眾將亦都有情有義，賽前穿上幫舊隊友格尼路打氣Tee，事關呢位轉投皇蘇嘅中場，之前因膝部重傷，要休息6個月。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24