周中上演英格蘭聯賽盃第3圈賽事，其中曼城於周二迎英冠韋根，乃上屆英足盃決賽翻版。藍月亮副選戰力強，加上球隊大炒紅魔後士氣高昂，故此可望報回一箭之仇，捧[-1]「主勝」。
曼城周日才於曼市打吡主場痛擊曼聯，隨即在周二再於主場出戰英聯盃，但幸好他們板凳深度超深，查維加西亞、魯迪維爾、占士米拿及祖維迪等均極具份量，故即使領隊比歷連尼出副選，球隊的戰鬥力仍強勁，足以把來自英冠的韋根擊退，報回上屆英足盃決賽輸0:1之仇；而且曼城近年於主場與低組別球隊進行本土盃賽成績甚好，4戰全勝。
韋根上季雖捧走英足盃，可是未能保住英超席位，今夏重返英冠比賽。降班後，3大主力干尼、占士麥卡菲及艾卡拉斯，以及領隊馬天尼斯，齊齊被愛華頓挖角；即使陣中仍有馬隆尼及卡林麥馬拿文等好手撐場，球隊今季僅得3勝3和3負，今役受讓亦不值博。
屈福特W有着「諾」
反而另一英冠球隊屈福特，於主場鬥英超的諾域治，則有望偷雞，畢竟屈福特主場一向有保證，而諾域治近況普通之餘，上場聯賽鬥維拉踢得不俗而輸波，對士氣打擊不少，今役宜捧屈福特。同樣在上場聯賽損士氣的，還有戰至補時階段才落敗的卡迪夫城，今役卡城更要作客韋斯咸，料難逃一敗。文：青蛙仔
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange