老牌珠寶金行謝瑞麟（417）創辦人、人稱「大謝」嘅謝瑞麟，早年因向旅行社提供非法回佣而入獄，出獄後，喺2011年東山復出，返公司擔任顧問。據講大謝生周不時會代表公司，出席個別商會舉辦嘅聯誼活動，同行家吹水，公開亮相就少之又少，不過今日佢就會高調現身嘞。
與港大合辦課程
事關謝瑞麟今年初成立咗「謝瑞麟基金」，呢個基金同香港大學合作舉辦「創意管理課程」，大謝生今日就會喺灣仔香港藝術中心出席呢個課程嘅啟動儀式。
大謝生成立謝瑞麟基金，係希望做多啲有關推廣創意嘅教育工作，今次同港大合辦課程屬於頭炮，為咗隆重其事，大謝生先至高調亮相，同傳媒見面，公關朋友仲暗示，大謝生可能有問必答㖭㗎。至於「家嫂」、謝瑞麟主席謝邱安儀，當然亦會陪住老爺出席，認真孝順。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange