（樂）今季英超榜首輪流坐，呢周就輪到阿仙奴威威！由於上周末利物浦輸波，而阿仙奴周日就靠艾朗藍斯、梅迪薩卡同沙格拿各入一球，以3:1擊敗史篤城，各項比賽加埋7連勝，聯賽就以12分升上第1，33個月嚟首次做榜首。兵工廠新援奧斯爾兩場聯賽交出3次助攻，躍升上英超助攻榜首。雖然基奧特呢周冇入波，但佢仍然以4球，同史杜列治、賓迪基並列射手榜首。另一支倫敦球會熱刺亦都好犀利，周日靠荷西保連奴完前場入波，作客贏卡迪夫城1:0，得失球差啲而排聯賽第2。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24