【深水埗】
【本報訊】每逢打風落雨，深水埗天台屋居民都很頭痛，今次颱風天兔撲港，更是提心吊膽，「前幾年10號風球，成間屋搖得好犀利，好似就嚟冧咁，好恐怖」。天台戶丁先生昨日下午頻頻留意風暴消息，顯得憂心忡忡。丁先生坦言，天台屋用鐵皮搭建，阻擋不了巨風，已打算一家四口搬到社區中心暫住，「漏水仲可以塞住，但牆身又薄又弱，真係驚成間屋都會冧」。
丁先生居住的唐樓有十多間天台屋，簡單用鐵皮、石棉搭建，昨日未見家家戶戶有特別防風措施，「人走我咪走囉」。天台戶黃女士表示，每次風暴都會吹塌屋頂天線，屋內就水浸，「啲雨打入嚟，床頭都浸晒，只好加木板、帆布頂住，電掣都係用膠袋笠住，成晚都冇得瞓」。黃女士擔心天兔來勢洶洶，但她慨嘆沒有去路，「唔知點好，唔識諗，因為窮冇地方住，冇辦法」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange