富豪鍾意曬膠錶？日本首富、即係UNIQLO創辦人柳井正早前接受《金融時報》訪問，佢位於東京間屋，地方大到有個小型高爾夫球場，不過佢認為自己冇乜特別，仲即時畀人睇佢手上日日戴住嗰隻Swatch手錶。
《金融時報》嗰位記者見到呢個情景就有感而發，話呢個係唔少億萬富豪嘅指定動作，佢哋好想話畀人知，自己都係出身平凡。唔怪得本港首富李嘉誠都係話戴精工錶啦。
此外，呢位日本首富同好多人一樣，後生時鍾意玩，自言大學時期沉迷打麻雀同玩彈珠機，好彩冇玩物喪志。雖然UNIQLO𠵱家越來越多人幫襯，業務又擴展至全球多個國家，但原來喺日本被標籤為「難撈」企業，員工流失率喺日本算係高，有一半新人入職3年內就會拜拜。
另一半新人咁捱得，他日應該屬職場搶手貨。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange