噚日《城市論壇》為免遭天兔鏟起，由維園移師去九龍塘港台嘅電視錄影廠進行，主持謝志峰喺主場，言論都大膽啲。話說謝志峰係前亞視新聞部嘅資深記者，佢喺節目未開始時話，電視台嘅節目睇落去一定要多人，如果陣容唔夠鼎盛，睇落就會似亞視咁，認真寸嘴！謝志峰仲爆料話，積弱嘅亞視虧蝕高峯期，試過一日燒足100萬。對於電視台嚟講，100萬即係幾多，謝志峰就指住個錄影廠個巨型吊臂連攝錄機，話呢台器材就要100萬。如果亞視仲喺廣播道，王征會唔會落去港台踩場或者跳舞抗議呢？
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24