狼英發開口夢都掛住擴大自由行，不過俾水貨活動滋擾多年嘅北區居民就唔係咁諗。北區水貨客關注組兩個月前發起網上籌款，籌咗超過萬六元，趕得及喺十一黃金周前，喺四架巴士車身登廣告，向自由行同政府表達佢哋對水貨活動同一簽多行嘅不滿。
噚日率先出嚟行嘅係印上「香港要寧靜 水客無得剩」嘅75K同「光復上水站 保衞我家園」嘅74X巴士；仲有兩款寫住「上水我做主 水貨客過主」同「港B冇奶粉 限奶令要穩」嘅巴士廣告未出街。關注組發言人梁金成話，佢哋想喺行走北區同九龍嘅巴士上登廣告，包括由上水廣場去尖沙嘴嘅270A，同埋聯和墟去觀塘嘅277X，但要視乎巴士公司車輛調動。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange