天兔襲港，唔單止令到好多政黨嘅街頭活動失咗預算，連特首狼振英本來喺粉嶺別墅嘅一個約會，都被迫改期。狼英噚日得閒無事，喺網誌話，行政長官粉嶺別墅前身其實係鄉村師範學校。有校友早前向佢提出想舊地重遊，喺粉嶺別墅敍舊；冇乜朋友嘅狼英，突然有約，自然有求必應，仲諗住親自接待。但由於個風打到嚟，考慮到年紀最大嘅鄉村師範校友，都有成100歲，為安全計，都係改期，擇日再約。有網友就質疑，打風改期，自己通知相關人士咪得囉，使唔使咁都寫網誌呀？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange