巴西超模Gisele Bündchen蟬聯全球最賺錢模特兒，曾有財經網站建立「GB指數」，追蹤Gisele代言嘅上市公司股價，發現Gisele代言後，公司股價通常會做好，可惜思捷（330）受惠唔到，Gisele舊年同思捷結束一年合作關係，最近已經轉替H&M做代言人。
Gisele由2011年9月至2012年9月做思捷代言人，前CEO范德施當時仲幾隆重其事。但睇股價走勢，Gisele代言前，思捷股價喺19蚊，搵咗超模後，思捷業務未見好轉，後來范德施都走埋。到咗2012年9月，思捷徘徊喺12蚊。換言之，超模代言期間，思捷股價累跌超過30%。難怪來自Zara嘅現任CEO馬浩思，唔係咁信燒錢賣廣告有用。
其實模特兒都只能短暫吸引人眼球，時裝店係賣衫，最緊要就係產品款式吸引，質料靚，花錢做好啲產品最重要。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇：
http://bit.ly/appletalk24