現年51歲的亞視藝人劉錫賢，昨午跟37歲內地女友陳麗娜在灣仔舉行結婚酒會，一眾藝員同事包括亞姐馮雪冰、張家瑩、林紫君、蔡國威和顧冠忠等都有到賀。現場舉行了切結婚蛋糕及開香檳儀式，穿上火紅西裝的肥仔賢與同樣穿上紅色tube dress的新娘，在親友起哄下，親吻了三次。
劉父病重催婚
昨早一對新人已向雙方家長進行斟茶及接新娘儀式，肥仔賢接受訪問時得戚說：「啲姊妹有玩兄弟，但玩唔到我，我哋兄弟人才濟濟，唱歌、武打都得，叫我打三個後空翻都冇問題。」他還透露求婚過程說：「舊年爸爸重病入院，佢講唔出我哋啲兄弟名，只叫得出我太太個名。今年新年喺醫院食團年飯，即場同佢求婚。」劉太來自珠海，在澳門工作，對於生育計劃，她表示希望生一個。
連擺兩晚喜宴
另外，晚上肥仔賢在太古城一間酒樓筵開23席宴親朋，亞姐顏子菲、黃秋生、陳啟泰、陳煒到賀，黃夏蕙更性感現身。
一對新人在親友見證下簽署結婚證書，之後肥仔賢再接受訪問透露還會在北角再宴親朋，他說：「今日係請啲親友同老闆，聽日（即今晚）擺15圍就係招呼亞洲會同舊同學，同埋太太攞嘅係7日通行證，希望個風就吓我唔好打成。」肥仔賢表示今晚的酒席因為有贊助，所以風雨不改。
採訪：卓寶花
攝影：黃偉雄
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇：
http://bit.ly/appletalk24