【記者呂麗嬋報道】上月維基年會在港舉行，令大批隱沒在鍵盤後的港產維基人「曝光」，包括90後的陳子恩及鄭樂捷。「維基令我哋知道，世界真係好大！」本月，他們又衝出香港，首度協辦「維基愛古蹟」活動，兩個年輕人笑言，希望將香港獨有的中秋舞火龍介紹給全世界。
去年參賽相片逾35萬張
這個被健力士世界大全列為全球最大的攝影比賽，今年共吸引50個國家及地區參與，中港台今年首度參加，23歲的鄭樂捷是活動的統籌，「呢個比賽三年前由荷蘭分會發起，首年上載嘅相片有十萬張，上年數目達35萬3千幾張，有個來自印度嘅維基人，一個人上載咗8,000幾張相。今年規模再擴大，除中港台，小至太平洋島國，遠至南極，都第一次參與，希望上載嘅照片數目再破紀錄」。
維基百科是不少人蒐集資料時必看的網站，但卻鮮有舉辦公眾活動。22歲的香港維基媒體協會理事陳子恩說：「外界成日誤會維基百科同維基解密，試過有人打我手機，氣沖沖話俾人跟蹤，叫我出去營救佢，要花一輪唇舌解釋，澄清係兩回事，我哋同斯諾登完全無關。」
陳子恩在城大修讀國際商業管理，是本港百多個活躍的義務維基編輯之一，五年前獲邀加入籌組維基香港分會，由維基用家變身核心成員。
上年參賽的35萬張相片，由印度的千年古墓、泰姬陵，到荷蘭的風車美景，每幅相片，都經過多重篩選，成為最後得獎作品。本年比賽有五名評判，以攝影技巧、相片質素及對維基百科的貢獻作評審準則。「好似中秋節，大坑舞火龍香港獨有，更新相片簡介地方習俗，不單可豐富資料庫內容，更可令更多人認識香港。」陳子恩說。
維基攝影比賽拍攝香港古蹟，鄭樂捷說拍攝者可發掘背後故事，「有個外國人對天后廟好有興趣，佢好神心，幾乎走勻30幾間廟，喺維基上載條目介紹」。一個城市住得久，或會忘了她的美，有興趣重遊香港，拍下照片與人分享，可看這網頁： http://commons.wikimedia.org/wiki/Commons:Wiki_Loves_Monuments_2013_in_Hong_Kong
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24