【本報訊】華人置業主席劉鑾雄（大劉）前日以劇集、電影，暗喻澳門官司涉及有勢力人士為奪「御海‧南灣」土地向他逼迫。昨日直接叫屈，透露對方想得到高達500、600億元的款項。至於澳門政府控告他賄賂和洗黑錢等罪名，他發毒誓：「我從來無做過……如果有做過、有諗過，我所有子女都絕子絕孫！」
「成單案嘅關鍵係幅地」
大劉昨與女友甘比、一對子女、母親及甘比母親，到灣仔福臨門與家人午膳時，邀請部份傳媒入酒樓做訪問，內容繼續圍繞他涉及的貪污案件。大劉稱就「御海‧南灣」地盤，他於8年前向羅傑承公司支付2億元，3年前再付16億元，連利息逾20億元，他以綁架作比喻，「畀咗20億，人哋都要撕你票，㷫唔㷫吖？」
澳門政府已收回有關土地，何需再對付他呢？他說：「梗係有蹺妙嘢，如果佢要得到嗰500、600億，一定要我簽啲嘢出嚟，佢先攞到嗰500、600億，如果唔係點解要做我世界！」他拒透露詳情，因牽涉很大及會影響日後工作，「成單案嘅關鍵係幅地」。截至對上一個交易日，華置市值341.5億元。去年《福布斯》富豪榜，大劉以164億元財富，排名全球富豪第458位。
大劉稱沒有情緒失控，但稱沒受到迫害的人，不會明白他的憤怒，指對方霸道，必要時會玉石俱焚，「錢！我睇得好閒、睇得好開，但當你忍無可忍，話知你係伊拉克侯賽因、利比亞卡達菲，大家一人都係一條命」。他稱所講的只是事件的0.01%，點到即止，望以和為貴，「死都唔怕，唔好話俾人釘有罪，碎料啦」！如果將他所知全盤拍成電影，會震驚全世界。
聲稱赴澳出庭有危險
他又首次披露因擔心人身安全，拒到澳門出庭，「如果喺香港我一定會出庭，但我知道去澳門，人身安全一定無人保障到我，一定會有危險」！
大劉之前一再向澳門法院提供醫生證明，表示健康狀況不容許到澳門出庭。前日稱自己「周身病痛唔死得住」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange