即使海味懂得如何為自己打算，有自己的一套生存方式，亦難免有迷失的一刻，她說：「我記得第二次去台灣拍嘢嗰陣，當時我喺感情上唔係好開心，每一日開工都係行屍走肉，有一日同一個台灣前輩傾偈，我話覺得好似死咗一樣，完全冇生氣，點知個前輩答得好妙，佢話你做人大部份時間都係死㗎喇！」
海味續說：「我聽完更加迷惘，但係我都有慢慢細味呢句說話，有時喺人生裏面，冇可能無時無刻都搵到咁多刺激，惟有喺角色裏面，就可以搵到呢啲生命，因為我去演繹呢啲角色嘅時候，嗰啲遭遇唔會成日都遇到，所以做戲好玩就係呢個原因，可經歷唔同人生，嗰次之後冇再遇到呢個前輩，不過佢呢番說話真係幫到我。每個人都有唔同階段，點解啲人成日覺得好困難？因為佢畀自己好大壓力，有時諗到鑽咗牛角尖，但係我好隨緣，樂觀啲去睇，做唔到咪算，總會有另一個機會，我好識得安慰自己。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！