周杰倫（周董）聽晚尾場嘅演唱會因擔心超級颱風襲港，改咗下午2點開騷，如果觀眾想退飛，就要喺聽日至29號到紅館辦手續。而前晚佢喺紅館個唱中，趁住中秋佳節，將《天台的月光》嘅最尾一段歌詞改為「祝你們中秋節快樂」，令全場粉絲興奮尖叫。
李玟教示愛
嘉賓李玟教周董同歌迷講我愛你，但周董就唔肯：「這句話很肉麻，我只會跟媽媽說，我只講我好鍾意你。」李玟打蛇隨棍上話：「後面要加昆凌兩個字。」提到緋聞女友，周董即扮跌親，笑話：「你老公今天有來，不要這樣呢。」
李玟完全懶理老公喺台下，竟出言調戲周董：「其實周杰倫第一次畀咗我。」周董即澄清：「她意思是我十二年前開演唱會找她做嘉賓。」李玟唱《刀馬旦》時從後掃咗周董一下，場面火辣辣。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！