社民連副主席吳文遠
出走年份：1989年
出走樂土：紐西蘭、澳洲
現身處：香港
「我13歲一家移民到紐西蘭。不因為六四，只為覓個好的讀書環境。我在那邊讀中學，到澳洲讀大學，也得到澳洲護照。雖然在國外生活多年，但我總覺得香港才是自己的家，07、08年回來，去年為了參選立法會取消了紐西蘭跟澳洲的護照。」
「我記憶中的香港很繁華，香港人本身也好開放，感覺自由自在。我在深水埗長大，八十年代在屋邨成長，過年會同隔籬屋拜年，不時開枱打麻雀，不過這些近年都被金錢至上蓋過了，個個疲於奔命，無時間無本錢去搞人情味，明顯是制度問題。近十年香港人整體上文化思維越來越保守，作為香港人為何不想辦法改變社會。」
「好多人反對我從政，朋友說我戇居，取消一個好多人想要卻得不到的護照。你可以話我犯賤，紐西蘭同墨爾本都係十大宜居城市之一，但我覺得你在香港都可以選擇不同的生活方式。我總係樂觀地覺得香港有希望，有能力變成十大宜居城市，基層市民都可以Happy地過生活，只係政府唔做。香港的填鴨式教育制度冇乜轉變過，人的價值觀已與國外不同。以前的香港人都好有創意，好多中小企，小康家庭由那邊發起；現在無論你做藝術家或創業，失敗的代價是一無所有；搵少一年錢你結婚要延遲三年，其實我唔明為何香港結個婚會這麼貴，在外國那不是很多錢，失業會有補助金，你去試去撞板的成本很低，在這裏你冇儲錢下被炒真係聽乞米。問題係這麼小的城市七百萬人幾萬億儲備GDP又高，你唔係同我講搞唔到嘢呀嘛？我係唔抵得！整個經濟教育文化結構都要改變。但無民主連第一步都做不到，就算有都要好長時間去改變。我哋都用咗幾十年時間搞到香港咁衰，搞返好都要幾十年啦。你有齊所有模型組件，可以砌出好靚的模型。但現在香港政府就夾硬將組件堆埋一嚿垃圾咁畀你，其實只係睇你有冇心做。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange