今屆F1玩咗一半有多，下周日嘅新加坡站係第13個分站。曾經喺09年贏過世界冠軍嘅英國車手畢頓，家陣喺車手榜落後「1哥」維特爾成174分，但仍然係賽事嘅亮點。點解？之唔係因為佢有個索爆嘅日籍模特兒女友囉。
效力麥拿侖車隊嘅畢仔，𠵱家喺新加坡備戰下周日嘅比賽，佢嘅日籍「毛豆」女友道端謝茜嘉當然都有跟埋嚟。周五道端就喺賽車場出現，身上嘅粉紅吊帶連身裙，再加埋個紫色Hermes Birkin手袋，顯得佢既性感又優雅。畢仔喺今屆賽事都未上過頒獎台，希望佢可以喺新加坡開齋，喺靚女友面前威番次啦。
話時話，有傳麥拿侖想搵喺2016年年尾先同法拉利約滿嘅西班牙車手艾朗素，嚟同畢仔做拍檔。麥拿侖嘅CEO韋馬殊好老實咁講：「我想唔想搵艾朗素過檔？梗係想啦！」排位賽周六就會上演，睇吓艾朗素有冇表現啦！（now671台8:45pm直播）
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，
即刻收睇： http://bit.ly/appletalk24