大家對《神鎗狙擊》一眾肌肉猛男流晒口水未？《飛虎II》又拍完喇，又係睇筋肉人時間，不過依家有個仲勁，仲有爆炸力嘅猛男要介紹俾大家，佢就係《情逆三世緣》飾演展昭嘅袁偉豪嘅外公。
袁偉豪係07年香港先生，但勢估唔到，外公仲勁!趁住中秋節，袁偉豪就出動外公精鋼身段同大家賀一賀佢。咁當然，係外公後生嗰陣嘅相啦。一望之下，真係呢位香港先生冠軍乖孫都要行埋一邊。外公後生嗰陣，仲係Captain Cool——飛機師嚟㗎!張相英氣十足，堅過石堅!
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24