【威尼斯專訪】記得陳可辛去年在威尼斯同一地點，坐在同一位置，飲着同一牌子的蘇打水接受筆者訪問，或許這些習性就如他的電影一樣，雖然背景可能不同，但希望表達的情感貫徹始終。投身電影界多年的他坦言近年曾對自己抱有懷疑，幸最後從自身作品中尋得答案，自己仍是最原本的那個陳可辛，他說：「吳君如都話我好恐怖，咁多年後拍嘅電影同多年前拍嘅可以咁相似。
撰文：文國駿
因內地女星田樸珺的一篇「閨蜜」文章，令陳可辛（Peter）成為新聞主角。早前他獲威尼斯電影節邀請，拍攝一段分半鐘的短片向影展70周年致敬外，更修復了經典作品《甜蜜蜜》參與「經典單元」。他日前在當地的Excelsior酒店接受本報專訪，還未受「閨蜜」文章困擾的他神情輕鬆，他笑言：「今年梗係輕鬆好多，起碼唔使做評審每日睇幾部戲先啦，仲可以同爸爸（電影人陳銅民）做吓遊客，去聖馬可廣場影相同四圍行吓。」
「𠵱家講乜嘢都死」
對於今次為《甜》片的膠片作修復，Peter坦言難度甚大：「因為條膠片已經花晒，要每一格咁慢慢補番去，真係好唔容易。」《甜》片故事圍繞兩個內地來港的新移民，而近年中港矛盾漸大，問Peter會否拍攝一部以此為題材的電影？他立時耍手擰頭說：「唔會喇，𠵱家講乜嘢都死。」
拍攝《甜》片距今17年，問Peter覺得這17年間在電影路上有否改變？他說：「外間人睇我會覺得我變咗好多，好似我拍戲嘅風格同題材等等，其實我都曾經對自己有過疑問。到舊年拍攝《中國合伙人》時，一路由開拍到剪接，甚至後期睇番部電影我都覺得非常開心，因為全部都係我想拍嘅嘢，我想表達嘅情感，陳可辛原來冇變過，連吳君如都話我好恐怖，咁多年後拍嘅電影同多年前拍嘅可以咁相似。」
拒為合拍片失自我
近年不少港導被指向着人民幣走，拍攝題材內容等皆要遷就內地市場的合拍片，Peter有另一番見解，更謂若果有導演拍合拍片而失去自我風格，是導演本身懶惰，他說：「其實希望大家唔好將『合拍片』三個字定位，《寒戰》同《激戰》都係合拍片，點解可以拍到港產片風格而票房又喺中國大陸收得？重點就係導演要喺自己想講嘅嘢上面同票房拎個平衡，而唔係照單執藥。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！