前晚TVB劇《神鎗狙擊》笑點特別多，成套劇本來應該係好緊張嘅警匪片，但係主角子珊Chok到爆，誇張到去查案次次都低胸加5吋高踭鞋上陣，真係做戲咁做。
前晚劇情講一班東歐匪徒喺會展放炸彈，話要勒索10億美金。好鍾意單獨行動嘅子珊突然遇上爆炸，成塊玻璃爆晒，但佢塊面都只係花咗小小，然後一班警察就衝入班悍匪頭先佔領咗嘅會場，班警察質話班匪徒喺現場裝咗炸彈，要脅佢哋留喺度，又有炸彈爆炸，子珊又冇事，炸極都唔死，似有不死之身。
之後仲勁，子珊唔著避彈衣走入敵陣，佢坐住張辦公室椅轉咗兩個圈，就可以避開晒對方嘅連環掃射，最後俾人射跌咗支鎗，就直情飛身起飛腳，踢甩對方支鎗，再一直喺張檯下面避開子彈，但點解啲子彈可以射穿避彈衣，但竟然射極都唔穿張檯呢﹖
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！