【本報訊】開賣前市場預期「炒唔起」的iPhone 5s，昨開賣卻炒風熾熱，連蘋果授權經銷商、大型連鎖店也炒埋一份，未有跟蘋果建議零售價定價，抬價逾兩成。
果迷Rick昨晨6時到大埔蘋果授權的經銷商Sunion排隊買iPhone 5s，之前已聽聞該店定價高於蘋果建議零售價，「我諗住好似以前咁，建議零售價不變，只係要強迫買配件，當套餐咁賣iPhone。」
向港人稱「冇貨」
詎料店員說iPhone 5s售價不會跟隨蘋果「公價」，16GB、32GB及64GB分別定價6,788元、7,188元、7,488元，較蘋果定價高出4%至22%不等，「仲係齋機價，冇金色」。他買入一部64GB新機。位於上水的百老匯亦「蠱惑」賣新iPhone，店內iPhone 5s標價較蘋果建議價高17%至25%不等，顧客張先生向本報投訴，該店iPhone 5s只售給內地客，向港客訛稱「冇貨」，「大陸人買嗰陣要加1蚊買個藍芽耳機，明顯係鑽空子當套餐咁賣，免蘋果詐型。」
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24