最近李純恩一篇專欄話香港歌壇已死，罪魁禍首係班填詞人唔掂當，Wyman（阿Y）對號入座，撲出嚟反鬧李純恩呃稿費。又唔怪得阿Y咁㷫嘅，話晒係文人，最忌俾人話啲詞唔得，當年仲盛傳佢因為俾千嬅寸佢啲詞唔掂，搞到反目成仇冇friend做㖭！
盛傳05年11月千嬅同阿Y喺一個派對度吹水，千嬅叫阿Y啲詞寫得「禪」啲，要有林夕隻《電光幻影》嗰種feel。正所謂崩口人忌崩口碗，阿Y塊面已經黑黑哋，千嬅又話隻《煉金術》商業得滯，有傳千嬅勁彈阿Y啲歌唔掂，阿Y即場回敬話千嬅唱歌唔掂，自此兩人不相往來，有傳阿Y首《最佳損友》係暗寸千嬅㖭。
唔理傳聞係真係假，上年阿Y開作品展，千嬅頂住巨肚以神秘嘉賓登場，兩人喺台上嚟個深情擁抱，多年恩怨煙消雲散嘞！
撰文：阿Wow
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！