【灣仔】李嘉欣前晚同老公許晉亨齊齊現身灣仔福臨門，同老爺奶奶許世勳一家中秋做節，許家家族成員郭永亮帶埋老婆同囝囝一家三口現身，嘉欣更加係自上月傳佢同奶奶簡劍勳爭仔湊不和後，兩人首次同場，認真難得。許世勳同老婆7點半先到，之後嘉欣同亨亨隨後到，坐「JM」車牌瑪莎拉蒂房車到達，但未有見到佢哋嘅寶貝仔Jayden同行。
同亨亨襯到絕
嘉欣以藍色喱士透視連身裙、揹酒紅色Chanel手袋，同亨亨嘅淺藍色西裝紅格恤衫襯到絕。亨亨率先落車，企定路邊舉定手等嘉欣蹺實手臂行入福臨門。記者上前祝嘉欣中秋快樂，問佢同奶奶一齊做節心情如何，佢都全程低頭微笑，反而亨亨就笑到露晒齒，心情好好。
亨亨夾喺阿媽同老婆中間，左右做人難，加上成日都傳婆媳不和，之前又話佢哋夫婦歐遊，嘉欣將個仔擺喺家姐李嘉明度湊，搞到阿嫲冇得見孫仔Jayden，今次一家人齊齊做節，亨亨就最安樂。
採訪：林嘉慈
攝影：陳志嵐
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，
即刻收睇： http://bit.ly/appletalk24