現年44歲嘅王菲和41歲嘅李亞鵬自本月13號喺烏魯木齊搞離婚，連日離婚原因眾說紛紜，早前阿菲終於喺微博打破沉默，澄清係自己要求離婚，佢哋之間冇第三者，對小朋友嚟講，佢哋仍然係一家人。亞鵬當日亦肉麻地留言回覆：「永遠愛你﹗」
佢哋果然堅係如阿菲所講「對孩子來說，我們仍然係一家人」，皆因噚晚七點幾，被內地傳媒目擊到一齊湊住細囡李嫣，喺北京某一間餐館，約埋親友度中秋。聽講李亞鵬為咗呢次飯局，早就訂好位，點晒阿菲最鍾意食嘅餸。李嫣總算過咗個一家團圓嘅中秋，而阿菲同李亞鵬亦似乎真係再見亦是朋友。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！