這趟中歐旅程最令Tanya滿意的是參觀了匈牙利的國家公園，令她眼界大開。蔡瀾則憶述肥佬黎帶他遊法國南部Perigord農村的故事，那如詩如畫的風景，跟斷橋、舊教堂交織一起，如仙境一樣，蔡瀾形容為「人生死前必去」。
當地的黑松露也相當著名，肥佬黎細說採集黑松露趣事：「一朝早當地人帶你搵黑松露，一去到就五六嚿，咁勁？跟住隻狗兜兩個圈又黑松露，嘩，大佬我咪好發？我發覺呢條衰仔一早將啲黑松露埋落去先，整蠱你嘅！」那樣你才有收穫嘛！
大嘆鵝肝
世界三大珍饈，除了黑松露，還有鵝肝和魚子醬，蔡瀾憶起肥佬黎有個Perigord的醫生朋友，他組織所有村婦養鵝肝，帶動整個社區風生水起，而他烹調的鵝肝更是頂呱呱。蔡瀾邊模仿廚師邊說：「佢整個麵糰，揑吓揑吓整到個盆，然後攞鵝肝出嚟，教我哋點去筋。跟住炒黑菌，炒完鋪喺一層，鵝肝一層，櫻桃果醬一層，再鵝肝一層，再黑菌一層，再冚住，再焗，再切一塊，食啦！」Tanya完全陷入美食迷思，又笑問對方可會請人，相當搞笑。
《亂噏24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇： http://bit.ly/appletalk24