噚日係中秋節，唔少人都會同屋企人一家團圓，賞吓月食吓月餅，享受家庭樂。
不過第一次以媽咪身份過中秋嘅朱茵，就應該因為要做嘢，唔喺香港，所以冇得同老公同埋囡囡黃鶯一齊過佳節。
但唔緊要，囡囡第一次過中秋，仲有爸爸阿Paul陪，佢噚晚同囡囡玩騎膊馬，仲自拍放上微博，阿Paul個樣勁冧，父愛出晒嚟咁話：「女兒；雖然你媽媽不在港，但這是你的首個中秋，怎能草率，爸決定推了所有約會，陪你跳一整晚的舞，教懂你火的浪漫。」但唔知係咪湊女辛苦喇，同阿囡拍埋一齊，囡囡塊面脹卜卜，阿Paul就瘦塊面到凹晒呀。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！