成功衝破1,000萬票房的港產片《狂舞派》，女主角顏卓靈開拍前除要苦練不同舞蹈外，亦要學跳手指舞，用手配合燈光做出影子來跳，電影尾聲講述顏卓靈除負傷參加跳舞比賽外，舞蹈中亦加插手指舞，令觀眾印象深刻。日前顏卓靈在荃灣舞室，教男主角「柒良」蔡瀚億和《蘋果》動主播吉吉大玩手指舞。
顏卓靈即場做小道具來配合跳手指舞，雖然只用小小的手指，不過也有不同舞式如moonwalk，她說：「都有一段時間冇玩，有啲生疏，要拉鬆手筋先玩得好。」顏卓靈即場教柒良和吉吉跳手指舞，不要以為簡單，其實甚有難度，例如扮頴pat pat這類動作。顏卓靈說：「其實呢啲手指舞之前啲人都有玩，我覺得近年好多人會攞番啲好老套嘅事出嚟做玩復古。」
奪福岡觀眾大獎
《狂》片日前在日本福岡國際電影節得到觀眾大獎，柒良越洋興奮表示：「今次有好多第一次，第一次拍電影可以參與影展，首次行紅地毯，第一個獎好驚喜同好激動。」
電影叫好叫座是否期待拍續集？柒良謂：「唔好急，太心急反而唔好，搞好劇本先。」話雖唔急，但他已跟導演學太極為下集作準備。柒良近日接了不少片約，他說：「我乜嘢角色都想做，對於新人嚟講有機會係𧄌飯應。」
採訪：魯萍
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！